| 很久, 沒有寫BLOG啦! 差唔多有六個月了
最近我一直與她生活都是好地地
但唔知點解, 自從上星期六之後
她對我的態度有如180度大轉變
想同佢傾多一陣計, 佢都好似嫌我煩一樣
叫佢出街, 佢就話累, 但佢朋友一call佢就即刻答應
我真係好唔開心呀, 佢又唔知
佢以為我發佢脾氣, 其實我唔係囉
我只係想見佢多d之嘛, 唔通咁都有錯?
而家一星期只有一, 兩天既空閒時間同佢食晚飯都沒有
星期三本來想同佢食晚飯...佢又話約左人
其實無咩唔啱, 但點知整晚都唔返屋企
一個SMS就話唔返就唔返, 佢都唔知我擔心佢!
一星期了, 我與她的談話就只有幾句....
點解? 係唔係真係俾佢出去玩就是這樣呢?
如果是的話, 我寧願唔俾佢咁做....因為我唔想佢離開我呀
但無奈的是, 而家既感覺就是"佢有佢既生活, 我有我生活"像是離開我一樣
明天是星期六, 佢又話要聽晚出去玩
佢有冇顧及我既感受呀?寧願陪朋友, 都唔陪自己男朋友
唔通朋友真是重要過自己男朋友?
唔知點解聽完佢咁講, 心裡忽然會有一種快要"完結"既感覺?
唔通今次我地真係要"完結"?
我唔想"完結" 但如要順應天意的話, 我就唯有認命吧
|
| |
| 又為了做一件善事而捐了$1500
今次是計上次南亞後既第2次捐款
但今次有一點兒特別, 這就是因為媽咪的幼稚園要搞一個慈善拍賣會
所以她打電話給我, 叫我拎我最喜歡的公仔出來拍賣
原本有些不願意, 但是為左慈善, 那就沒有所畏了
所以我決家捐出來和捐$1500
今次真是又出錢又出力呀
但目標同屋企人一樣, 幫下國內同胞啦 |
| |
| 原來一些重要的照片是失去了就是失去了
記憶都隨住失去了的照片而遺忘了 |
| |
| 今年, 我相信自己行緊衰運
因為早前有一年事鬧得頗大
但最後自己都可以捱得過去
不過最近啲衰運又開始蠢蠢欲動了
因為我的電腦終於捱壞了
弄得自己又要買過新一台
而且工作方面, 又整日都好像俾老闆針對一樣子
無論做得好或不好, 他總是黑口黑面對住我
而且每次都是無事搵事黎鬧
明明做得很好, 但最後他總是有說法教訓我
唉....2008至不過剛剛開始而已
但衰運就不停衝住我而黎
我怎可以防備呢?
莫非今年我是犯大歲?
|
| |
